ՎԵՐՋԻՆ ՍԵՐՆԴԻ ԲԱԶՄԱԲՆԱԿԱՐԱՆ⚡️ԷԿՈՏՆԵՐ
«Էկոտան» նոր նախագիծը վերջին սերնդի էկոտների բազմաբնակարան համալիր է: Կառուցապատման 1-ին փուլը նախատեսում է 26 հատ էկոշենք, մոտ 3000 բնակարան: Բնակարանների հատակագծային լուծումները տրված են հաշվի առնելով ժամանակակից և հարմարավետ ապրելակերպին բնորոշ բոլոր պահանջները, ունեն նաև անհրաժեշտ ճկունություն՝ հարմարեցվելու յուրաքանչյուր գնորդին: Էկոշենքերը բաղկացած են արտաքին ջերմամեկուսացված պատերից, և կրող սեյսմակայուն երկաթբետոնյա միաձույլ կոնստրուկցիայից։ Ամբողջովին երեսապատված են կարծրեցրած արևային հոսանքի մարտկոցներով: Միջհարկային ծածկը իրենից ներկայացնոմ է միաձույլ երկաթբետոնե զանգված: Շենքերում ջեռուցման, հովացման, օդափոխության և ջրամատակարարման մեջ կիրառվում են ներկայիս առաջատար էներգախնայող տեխնոլոգիաները: Բնակարանների ջեռուցման և հովացման համակարգը ապահովում է բարձր էլեկտրախնայողություն ունեցող (SCOP-ի մինչև 4-ի հասնող) ջերմային պոմպերը, որոնք քողարկված են շենքի արտաքին պատերի մեջ: Շենքը ջերմամեկուսացման նպատակով դրսից ամբողջովին պատված է ջերմամեկուսացման բարձր գործակից ունեցող չհրկիզվող բազալտի բամբակով: Ինֆրակարմիր ճառագայթները անդրադարձնող և բուֆերացնող հատկությամբ պատուհանները ևս նպաստելու են ձայնամեկուսացմանը և էներգախնայմանը:
- Համալիրների բակային տարածքները կունենան զբոսանքի կանաչապատ տարածքներ և լուսային էֆեկտներով չոր շատրվաններ:
- Ամեն Էկոշենք սեփական կարիքների համար արևից տարեկան արտադրելու է մինչև 2մլն կվտ/ժ էլեկտրաէներգիա:
- Շենքերը նախագծված են սեյսմիկ, ճարտարապետական և անվտանգության բոլոր նորմերի խստագույն պահպանմամբ:
- Բոլոր շենքերում տեղադրված են էներգախնայող, ռեկուպերատիվ, ներկայումս շուկայում ամենաապահով 2 վերելակ՝ փոքր և մեծ:
- Ապահովված են ռեզերվային ջրով և հոսանքով. շենքը ունի ավտոնոմության բարձր աստիճան:
- Չհրկիզվող, էկոլոգիապես մաքուր ջերմամեկուսիչ թաղանթի շնորհիվ շենքը էներգախնայող է:
- Շենքերում ներդրված է անվտանգության և հակահրդեհային համակարգ:
- Ներդրված է ջեռուցման և հովացման էներգախնայող անհատական համակարգ:
- Էկոշենքերի արևի նկատմամբ հատուկ դասավորվածության և նախագծի առանձնահատկությունների շնորհիվ բոլոր բնակարանները արևկող են, պատուհանները նայում են կամ արևելք, կամ արևմուտք, կամ արևմուտք արևելք:
- Շենքի վերջին հարկը և տանիքը միացված են իրար և բաժանված՝ երկհարկանի 5-6 սենյականոց, 251քմ-ից 308քմ մակերեսներով պենտհաուսների։
- Շենքի արտադրած էլեկտրաեներգիան անվճար բաժանվելու է բնակարաններին՝ ըստ մակերեսի համարժեքության:
- Շենքերի դիզայնը առանձնանում է գույնային և լուսային էֆեկտներով:
- Բնակարան ձեռք բերելու և հետագայում գնային տատանումներից խուսափելու համար պետք է ներկայացնել գնման հայտ: Հայտի համարը Էլ-փոստին չստանալու դեպքում խնդրում ենք կապ հաստատել մեզ հետ: Իսկ հետագա գործընթացի համար մեր կամ գործընկեր բանկի աշխատակիցը կապ կհաստատի Ձեզ հետ։
- Էկոշենքերի ընդհանուր սպասարկումը իրականացնելու է «Էկոտուն» ՍՊԸ-ն: Սպասարկման վճարը քմ-ի համար ամսեկան 150֏ է, որի մեջ ներառված է՝ անվճար արևային հոսանքի հասանելիություն, հասարակական գոտու սպասարկում, ընդհանուր անվտանգության ապահովում, վերելակների սպասարկում: Հուսով ենք, որ այս շենքերի կառուցումը կնպաստի նմանօրինակ այլ շինարարական նախագծերի իրականացմանը ևս, և ավելի շատ կկառուցվեն էներգախնայող շենքեր և շինություններ:
- Այս պահին պրոեկտը շինարարական թույլտվությունների և հարակից այլ փաստաթղթերի ստացման փուլում է:
- Էկոշենքերի մեկնարկը տրվելու է Արաբկիր` 📍Գրիբոյեդով, Արղության փողոցներից:
